Kontent qismiga oʻtish

Igor Akinfeev

Vikipediya, ochiq ensiklopediya
Igor Akinfeev
Shaxsiy maʼlumot
Toʻliq ismi Igor Vladimirovich Akinfeev
Tavallud sanasi 8-aprel 1986-yil (1986-04-08) (38 yosh)[1]
Tavallud joyi Vidnoye, Rsssiya SFSR, SSSR
Boʻyi 1.85 m[2]
Ampluasi Darvozabon
Klub maʼlumoti
Joriy klub
 CSKA Moscow
Raqami 35
Yoshligida aʼzo boʻlgan klublar
1991–2002 CSKA Moscow
Xalqaro medallar

Igor Vladimirovich Akinfeev (1986-yil 8-aprelda tugʻilgan) - rossiyalik professional futbolchi, Rossiyaning CSKA klubi darvozaboni va sardori[3]. U butun faoliyatini CSKAda oʻtkazgan va 700 dan ortiq rasmiy oʻyinlarda maydonga tushgan. U oltita Rossiya Premer-ligasi va oltita Rossiya kubogi, shuningdek, 2005-yilda UEFA kubogini qoʻlga kiritgan. U Rossiya oliy ligasida 514 ta oʻyin oʻtkazib bu borada rekordchi hisobalanadi (2022-yil 21-may holatiga koʻra).

2004 va 2018-yillar oraligʻida Rossiya terma jamoasi uchun toʻliq xalqaro maydonga tushgan, u 111 ta oʻyin oʻtkazib toʻrtta UEFA Yevropa chempionati va ikkita FIFA Jahon kubogi uchun asosiy tarkibga kiritilgan. U 2017-yil mart oyida oʻzidan oldingi jamoa sardori Vasiliy Berezutskiy nafaqaga chiqqanidan keyin Rossiya terma jamoasi sardori etib tayinlangan[4].

Akinfeev "Lev Yashin" klubi aʼzosi boʻlib, Rossiya futbolida boshqa darvozabonlarga qaraganda koʻproq oʻz darvozasi daxlsizligini saqlab qolgan[5].

Yoshlik yillari

[tahrir | manbasini tahrirlash]

Igor Akinfeev 1986-yil 8-aprelda Moskva viloyatining Vidnoye shahrida tugʻilgan. U 4 yoshida otasi uni CSKA sport maktabiga yubordi. U ikkinchi mashgʻulotida darvozabonlikni tanlagan. CSKA Moskva oʻsmirlar jamoasi aʼzosi sifatida 2002-yilda Rossiya oʻsmirlar chempionatida gʻolib chiqgan. 

Klubdagi karyerasi

[tahrir | manbasini tahrirlash]
Akinfeev 2015yilning oktabr oyida Moskvaning CSKA jamoasi tarkibida
Akinfeev 2018-yil aprel oyida

Akinfeev 16 yoshida Moskvaning CSKA jamoasida professional debyutini oʻtkazdi va "Krylia Sovetov Samara" ustidan 2:0 hisobida g'alaba qozonilgan o'yinda penaltini qaytardi va darvozasi dahlsizligini saqlab qoldi[6]. U 2003-yilda 17 yoshida asosiy tarkibga kirdi va shu mavsumda klub birinchi Rossiya Premer-ligasida g'olib chiqdi[7]. 2005-yildan CSKA Rossiya Premer-ligasi Rossiya kubogi va UEFA kubogida uch marta g'alaba qozondi. Bu mavsumda Akinfeev CSKAning Yevropadagi 19 oʻyinining barchasida asosiy tarkibda oʻynadi. 2005-yilgi UEFA kubogi finalida, armiyachilar oʻz raqibi Xose Alvalade Estadioda Sporting CP ustidan 3:1 hisobida gʻalaba qozonishdi[8]. 2006-yilda u CSKA bilan uchinchi marta Rossiya chempionati va ikkinchi marta Rossiya kubogini qo'lga kiritgan. Sobiq Sovet Ittifoqining yilning eng yaxshi futbolchisi uchun Zvezda kubogi bilan taqdirlangan. 

2006-2007-yilgi UEFA Chempionlar Ligasida Akinfeev 362 daqiqa davomida gol oʻtkazib yubormagan[9]. Bu Chempionlar Ligasida oʻz darvozasi daxlsizligini saqlab qolgan ketma-ket 43 oʻyindan iborat rekordni hisoblanardi[10][11]. 2017-yil 25-iyul kuni Chempionlar ligasi saralash bosqichida Moskvaning CSKA klubi mehmonda 2:0 hisobida AEKni magʻlub etgani[12].

2007-yil may oyida Akinfeev tizzasidan jarohat olib, 2007-yilgi Rossiya Premer-ligasi mavsumining qolgan qismida maydonga tusha olmadi[13]. CSKA mavsumni ligada shahar raqibi "Spartak Moskva" va chempion "Zenit" dan keyin uchinchi oʻrinda yakunladi. Akinfeev 2008-yilgi mavsumda ligada 30 ta oʻyinda qatnashib, Rossiya kubogini qoʻlga kiritdi. 2009-yilda u yana Rossiya Premer-ligasining barcha 30 oʻyinida maydonga tushdi va Rossiya kubogi finalida liga gʻolibi " Rubin"ga qarshi oʻyinda (1:0) o'z darvozasi daxlsizligini saqlab qoldi.

2011-yilning may oyida Akinfeev CSKA sardori boʻlib, faoliyatidagi beshinchi Rossiya kubogida qatnashdi. 2012-13-yillarda CSKA 7 yil ichida birinchi marta Rossiya Premer-ligasi chempionligini qoʻlga kiritdi[13]. Akinfeev Rossiyada yilning eng yaxshi futbolchisi deb topilgan. 2013-yilgi Rossiya kubogi finalida CSKAning "Anji" qarshi penaltilar seriyasida Yuriy Jirkovning zarbasini Akinfeev qaytargan[14].

2014-yilning 1-fevralida Moskvaning CSKA klubi Akinfeevning CSKA bilan shartnomasini 2019-yilning yoziga qadar uzaytirganini eʼlon qildi[15]. 2013-14-yillarda Akinfeev beshinchi marta Rossiya Premer-ligasi chempionligini qoʻlga kiritdi. 2014-yilning 14-mayida u Lev Yashinni ortda qoldirib, Rossiya futbolidagi darvozabonlar oʻrtasida oʻyinlar soni boʻyicha uchinchi oʻrinni egalladi[16]. 2015-yilning 14-noyabrida u Rossiya terma jamoasining Portugaliya ustidan qozonilgan 1:0 hisobidagi gʻalabasi bilan oʻzining faoliyatidagi 233-uchrashuvida toza o'yin rekordni yangiladi[17].

2018-yilning avgustida Akinfeev CSKA bilan shartnomasini 2022- yilgacha uzaytirdi[18].

2018-yilning dekabrida Akinfeev oʻzining 300-oʻyinini oʻtkzgan rossiyalik birinchi darvozabonga aylangan[19].

2021-yil 14-avgust kuni u Rossiyaning yuqori ligasidagi 489-oʻyinini oʻtkazib, avvalroq Sergey Ignashevich oʻrnatgan rekordni takrorlagan boʻlsa. 2021-yil 21-avgustdagi navbatdagi oʻyinida u 490 ta natija bilan bu rekordni yangiladi[20].

2022-yilning 20-may kuni Akinfeev CSKA bilan shartnomasini 2023/24-yilgi mavsum oxirigacha uzaytirdi[21].

Xalqaro karyera

[tahrir | manbasini tahrirlash]

Akinfeev 2004-yil 28-aprelda 18 yoshu 20 kunligida Norvegiyaga qarshi oʻrtoqlik oʻyinida Rossiya terma jamoasi uchun debyut qilgan. Shunday qilib, u Eduard Streltsov va Sergey Rodionovdan keyin Rossiya terma jamoasi uchun kurashgan uchinchi eng yosh futbolchi va Rossiya Federatsiyasi tarixidagi eng yosh xalqaro futbolchiga aylangan[22]. Keyinchalik u Rossiyaning UEFA Yevro-2004 terma jamoasiga Sergey Ovchinnikov va Vyacheslav Malafeevdan keyin uchinchi darvozabon sifatida kiritilgan. 

Uning asosiy musobaqadagi debyuti 2005-yilning 30-martida 2006- yilgi Jahon chempionati saralashida Estoniyaga qarshi oʻyinda boʻlgan va keyinchalik Malafeevning uzoq muddatli jarohatidan soʻng Rossiya terma jamoasining asosiy darvozaboni boʻlgan. Akinfeev Yuriy Semin va keyinchalik Guus Xiddink qoʻl ostida birinchi darvozabonlikni saqlab qoldi. 2007-yil 6-may kuni Akinfeev “Rostov” ga qarshi oʻyinda (1:1) tizzasidan jarohat olib, 4 oyga safdan chiqdi. Natijada u birinchi darvozabonlik pozitsiyasini Vyacheslav Malafeevga, keyinroq Vladimir Gabulovga boy berib qo'ygan. Noyabr oyi boshida u Rossiya terma jamoasiga qaytdi, biroq Isroilga qarshi UEFA Yevro-2008 saralash o'yiniga tushishga jismonan tayyor emas deb topildi. Keyinchalik Akinfeev UEFA Yevro-2008da Rossiya uchun birinchi darvozabonlik o'rnini qayta tikladi va mamlakat yarim finalga chiqqanga qadar har bir o'yinda qatnashdi. 

U 2012-yil 25-mayda UEFA Yevro-2012 uchun yakuniy tarkibga kiritilgan[23], ammo Malafeev Rossiyaning barcha oʻyinlarida darvozaga qoʻyildi va milliy terma jamoa guruh bosqichidan chiqib ketdi. 2014-yil 2-iyun kuni Akinfeev Rossiya terma jamoasining 2014-yilgi FIFA Jahon chempionati tarkibiga kiritildi[24].

Rossiya terma jamoasining 2014-yilgi Jahon chempionatining Janubiy Koreyaga qarshi birinchi guruh oʻyinida Akinfeev Li Keun Xoning uzoq masofadan yoʻllagan zarbasini oʻtkazib yubordi va koreyslar xisobda oldinga chiqib olishdi. Keyin Rossiya hisobni tenglashtirdi va oʻyin 1:1 hisobida yakunlandi[25]. 26-iyun kuni Jazoir va Rossiya o'rtasidagi guruh bosqichining so'nggi o'yini 1:1 hisobida yakunlanib, Jazoirni oldinga olib chiqdi va Rossiyani mag'lub etdi. Rossiyaning g'alabasi ularni saralashiga olib kelishi mumkin edi va ular oltmish daqiqa davomida 1:0 hisobida oldinda borishdi. O'yinning 60-daqiqasida jazoirlik jarima zarbasidan himoyalangan Akinfeevning yuziga yashil lazer nuri tushdi va Islom Slimani gol urib hisobni tenglashtirdi. Akinfeev ham, rossiyalik murabbiy Fabio Kapello ham oʻtkazib yuborilgan hal qiluvchi golda lazerni ayblashgan[26][27].

Akinfeev (o'ngda) 2018-yilgi Jahon chempionatida Ispaniyaga qarshi o'yin oldidan

2015-yilning 27-martida, Yevro-2016 saralashining G guruhida Chernogoriyada boʻlib oʻtgan oʻyinda, Akinfeev startdan 20 soniya oʻtib, olomon orasidan uchirilgan detal boshiga tekkan edi. Oʻyin 35 daqiqada toʻxtatildi va u davolanganidan soʻng Yuriy Lodiginga almashtirildi[28]. Akinfeev Rossiya terma jamoasi safida uchinchi UEFA Yevropa chempionatini UEFA Yevro-2016da oʻtkazdi, milliy terma jamoa uchta oʻyindan atigi bir ochko toʻplagan holda B guruhida oxirgi oʻrinni egallagan. 

U Rossiya terma jamoasining 2017-yilgi FIFA Konfederatsiyalar kubogida sardor sifatida maydonga olib chiqgan va turnirning ochilish oʻyinida rossiyaliklar Yangi Zelandiyani 2:0 hisobida mag'lub etgan, Akinfeev o'z darvozasi daxlsizligini saqlab qolgan. 21-iyun kuni Rossiyaning ikkinchi guruh o'yinida Portugaliyaga 0:1 hisobida mag'lub bo'lgan Akinfeev milliy terma jamoadagi 100-uchrashuvini o'tkazgan[29].

2018-yilning 11-mayida u Rossiyaning JCh-2018 uchun kengaytirilgan tarkibiga kiritildi. 2018-yil 3-iyun kuni u jahon chempionatining yakuniy tarkibiga kiritildi. Keyinchalik Akinfeev rossiyaliklarning 1/8 finalda Ispaniyani magʻlub etishida, oʻyinning eng yaxshi futbolchisi etib topildi u oʻyinda ikkita penaltini qaytargan[30].

2018-yilning 1-oktyabrida u terma jamoadagi faoliyatini yakunlaganini eʼlon qildi[31].

Karyera statistikasi

[tahrir | manbasini tahrirlash]

Klub

[tahrir | manbasini tahrirlash]
Klub Mavsum Liga Mamlakat kubogi Qitʼa Boshqa Jami
Divizion Oʻyin Gol Oʻyin Gol Oʻyin Gol Oʻyin Gol Oʻyin Gol
CSKA Moscow 2003 Rossiya premier ligasi 13 0 2 0 1 0 2 0 18 0
2004 26 0 1 0 10 0 1 0 38 0
2005 29 0 7 0 15 0 1 0 52 0
2006 28 0 7 0 8 0 0 0 44 0
2007 10 0 2 0 5 0 1 0 18 0
2008 30 0 2 0 6 0 0 0 38 0
2009 30 0 4 0 10 0 1 0 45 0
2010 28 0 1 0 11 0 1 0 41 0
2011–12 28 0 4 0 4 0 1 0 37 0
2012–13 29 0 2 0 2 0 0 0 33 0
2013–14 29 0 3 0 6 0 1 0 39 0
2014–15 30 0 2 0 6 0 1 0 39 0
2015–16 30 0 3 0 10 0 1 0 44 0
2016–17 29 0 0 0 6 0 1 0 35 0
2017–18 28 0 0 0 16 0 0 0 44 0
2018–19 30 0 0 0 5 0 1 0 36 0
2019–20 30 0 1 0 5 0 0 0 36 0
2020–21 28 0 3 0 6 0 0 0 37 0
2021–22 29 0 2 0 0 0 0 0 31 0
Karyerada jami 514 0 46 0 132 0 13 0 705 0

Xalqaro

[tahrir | manbasini tahrirlash]
Rossiya
Yil Oʻyin Gol
2004-yil 1 0
2005-yil 7 0
2006-yil 7 0
2007-yil 2 0
2008-yil 11 0
2009-yil 10 0
2010-yil 7 0
2011-yil 4 0
2012-yil 7 0
2013-yil 8 0
2014-yil 12 0
2015-yil 8 0
2016-yil 10 0
2017-yil 9 0
2018 8 0
Jami 111 0

Yutuqlar

[tahrir | manbasini tahrirlash]

CSKA Moskva

  • Rossiya Premer-ligasi : 2003, 2005, 2006, 2012-13, 2013-14, 2015-16
  • Rossiya kubogi : 2004–05, 2005–06, 2007–08, 2008–09, 2010–11, 2012–13
  • Rossiya Superkubogi : 2004, 2006, 2007, 2009, 2013, 2014, 2018
  • UEFA kubogi : 2004-05

Rossiya

  • UEFA Yevropa chempionati bronza medali sovrindori: 2008[32][33][34].

Shaxsiy

  • 2012-13-yil Rossiya Premer-ligasining eng yaxshi futbolchisi
  • Boltiqbo'yi va Mustaqil Davlatlar Hamdo'stligida yilning eng yaxshi futbolchisi ("Yulduz") Sport-Ekspress (2006)
  • Rossiya Premer-ligasining eng yaxshi yosh futbolchisi (2005)
  • Rossiya chempionatining 33 nafar eng yaxshi futbolchisi ro'yxati: №1 (2005, 2006, 2008, 2009, 2010, 2012/13, 2013/14); № 2 (2011/2012); № 3 (2004).
  • Rossiya futbol ittifoqiga ko'ra eng yaxshi rus darvozaboni (2008, 2009, 2010)
  • Rossiya Premer-ligasining eng yaxshi darvozaboni: 2021–22[35]
  • Yevropaning eng yaxshi yosh darvozaboni (2008)
  • Lev Yashin klubi a'zosi[36]
  • Rossiyaning CSKA mukofoti "Oltin taqa": bitta oltin taqa (2010) va to'rtta kumush taqa (2005, 2006, 2008, 2009)
  • Do'stlik ordeni (2006)
  • Lev Yashin mukofoti "Yil darvozaboni" (2004, 2005, 2006, 2008, 2009, 2010)

Manbalar

[tahrir | manbasini tahrirlash]
  1. ↑ Igor Akinfeev – FIFA musobaqalaridagi natijalari (arxivlangan)
  2. ↑ „2018 FIFA World Cup Russia – List of Players“. FIFA.com. Fédération Internationale de Football Association (2018-yil 4-iyun). 2018-yil 10-iyunda asl nusxadan arxivlangan. Qaraldi: 2018-yil 10-iyun.
  3. ↑ „Meet the Confed Cup captains“. FIFA.com. Fédération Internationale de Football Association (FIFA) (17-iyun 2017-yil). — „He [Igor Akinfeev] became Russian captain in March 2017 when Vasily Berezutskiy "retired" from the national team and is set to pass the 100-cap mark in the hosts' second match at the Confederations Cup.“. 17-iyun 2017-yilda asl nusxadan arxivlangan. Qaraldi: 18-iyun 2017-yil.
  4. ↑ „Meet the Confed Cup captains“. FIFA (17-iyun 2017-yil). 17-iyun 2017-yilda asl nusxadan arxivlangan.
  5. ↑ „Акинфеев обогнал Дасаева по "сухим" матчам за российские команды“ (ru). Sport.ru (14-noyabr 2015-yil).
  6. ↑ „Igor Akinfeev fast becoming the heir to the legendary Lev Yashin“. Goal.com (22-avgust 2013-yil).
  7. ↑ „Igor Akinfeev“. UEFA. Qaraldi: 7-aprel 2016-yil.
  8. ↑ „Sporting 1-3 CSKA Moscow“. BBC Sport (18-may 2005-yil). Qaraldi: 11-iyun 2014-yil.
  9. ↑ „CSKA Moskva 1-2 Porto“. UEFA (22-noyabr 2006-yil).
  10. ↑ „PSV through to last 16 after CSKA thriller“. UEFA (8-dekabr 2015-yil).
  11. ↑ „Champions League: Akinfeev finally keeps clean sheet | Goal.com“. www.goal.com.
  12. ↑ „Igor Akinfeev keeps first Champions League clean sheet since 2006“. ESPN FC (26-iyul 2017-yil). Qaraldi: 27-sentabr 2017-yil.
  13. ↑ 13,0 13,1 „Igor Akinfeev“. UEFA. Qaraldi: 7-aprel 2016-yil.
  14. ↑ „Africans seal CSKA's Russian double“. BBC (1-iyun 2013-yil).
  15. ↑ „Игорь Акинфеев продлил контракт с ПФК ЦСКА“ (ru). pfc-cska.com. PFC CSKA Moscow (1-fevral 2014-yil). Qaraldi: 8-iyun 2018-yil.
  16. ↑ „Вратарь ПФК ЦСКА Акинфеев обошел Яшина по числу "сухих" матчей за карьеру“ (ru). Rossiya Segodnya (14-may 2014-yil). 27-aprel 2016-yilda asl nusxadan arxivlangan. Qaraldi: 7-aprel 2016-yil.
  17. ↑ „Акинфеев обогнал Дасаева по "сухим" матчам за российские команды“ (ru). Sport.ru (14-noyabr 2015-yil).
  18. ↑ „Akinfeev inks four-year contract extension with CSKA“. Qaraldi: 21-yanvar 2020-yil.
  19. ↑ „Igor Akinfeev became the first Russian goalkeeper to keep 300 clean sheets“. Qaraldi: 21-yanvar 2020-yil.
  20. ↑ „Игорь Акинфеев сыграл 490-й матч в РПЛ и стал рекордсменом чемпионатов России“ (ru). Russian Premier League (21-avgust 2021-yil).
  21. ↑ „Акинфеев — с нами!“ (ru). CSKA Moscow (20-may 2022-yil). Qaraldi: 20-may 2022-yil.
  22. ↑ „Хорошо! Но мало...“ (ru). Sovetsky Sport (13-oktabr 2008-yil). Qaraldi: 22-noyabr 2009-yil.
  23. ↑ „Advocaat announced the finalized Euro Squad“ (ru) (25-may 2012-yil).
  24. ↑ „Состав национальной сборной России на ЧМ-2014“ (ru). Russian Football Union (2-iyun 2014-yil).
  25. ↑ „Russia v South Korea: World Cup 2014 – as it happened“. The Guardian (17-iyun 2014-yil). Qaraldi: 18-iyun 2014-yil.
  26. ↑ Sid Lowe at the Arena da Baixada. „Algeria 1-1 Russia; World Cup 2014 Group H match report“. The Guardian (26-iyun 2014-yil).
  27. ↑ „World Cup 2014: Fabio Capello unhappy at laser shone at keeper“. BBC Sport (27-iyun 2014-yil).
  28. ↑ „Russia keeper Akinfeev hit by flare in abandoned Montenegro match“. BBC Sport (27-mart 2015-yil). Qaraldi: 28-mart 2015-yil.
  29. ↑ „Cristiano Ronaldo header earns Portugal Confederations Cup win over Russia“. The Guardian (22-iyun 2017-yil).
  30. ↑ „Spain v Russia – Man of the Match“. FIFA.com. Fédération Internationale de Football Association (1-iyul 2018-yil). 28-iyun 2018-yilda asl nusxadan arxivlangan. Qaraldi: 1-iyul 2018-yil.
  31. ↑ „Игорь Акинфеев завершил выступления за сборную России“ (ru). Russian Football Union (1-oktabr 2018-yil).
  32. ↑ „Regulations of theUEFA European Football Championship“. UEFA.com. Qaraldi: 5-dekabr 2020-yil.
  33. ↑ „Russia-Spain | Line-ups | UEFA Euro“. UEFA. com. Qaraldi: 5-dekabr 2020-yil.
  34. ↑ „UEFA Euro 2008 squad list announced“. Uefa.com (28-may 2008-yil). Qaraldi: 5-dekabr 2020-yil.
  35. ↑ „Игорь Акинфеев – лучший вратарь Тинькофф РПЛ в сезоне 2021/22“ (ru). Russian Premier League (16-iyun 2022-yil). Qaraldi: 16-iyun 2022-yil.
  36. ↑ „100 "сухих" матчей Игоря Акинфеева. Статистика“. 19-sentabr 2009-yilda asl nusxadan arxivlangan. 
"https://uz.wikipedia.org/w/index.php?title=Igor_Akinfeev&oldid=5276941" dan olindi